اسئله بديهيه واجوبتها


إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟

(( أظن ده مش وضع الرقص !!! واضح ان انا هنام ))

***********

انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟

(( لا لسه ))

***********

والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه

(( !!! لاء دانا لسه راجع ))

***********

أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟

(( لا.. العربية واحشاني ))

***********

مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟


(( لا.. بتفرّج عليه ))

***********

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟

(( تقوم رامي الكتاب و تقوله لااااااااء ))


***********

ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟

(( لاء.. هفرطها و أسلقها ))

***********

ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟

(( لاء.. طالبها اخنق على نفسي ))

***********

أو مثلا في العيد

المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير

(( أكيد يعني مش هيقولهم البقاء لله ))

***********

,,,المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين

(( سبتيله ايه يقوله يارخمة ؟ ))

***********

والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟

(( يعني أساسي الواد لسه ما طلعلوش عرق الندالة علشان يقول لأ ))

مواضيع ذات صلة

  • أغبى 5 اسئله بالعالم

    295 اغبى 5 اسئله في العالم.... -------------------------------------------------------------------------------- هذي قصة واحد غبي اشترك في مسابقه جايزتها مليون دولار كااااااااااش . . . . . . . . .

    اقرأ الموضوع
  • اسئله لذيذه ...

    40 السلام عليكم ورحمه الله اقدملكو شويه اسئله متتابعه بس لذيذه .... كل سوال مرتبط باللي وراه بس لازم تجاوب السوال الاول 1- واحد بلديتنا قتل ابوه ... ليه حد عارف

    اقرأ الموضوع
  • والان اسئله اوائل الانبياء

    65 هم الغاز كتير وانا احب اسئله كما احب نفسى هم خمسه ارجو الردود السؤال الاول:من هو اول من جهر القراءن فى مكه السؤال الثانى:من هو اول من امن بالرسول السؤال الثالث:من اهول

    اقرأ الموضوع
  • خمسه اسئله مررررررررره جريئه

    113 هااااااااااااااااااااي قاااااااااااااااايزز كيفكم انشاااااااااااااااء كويسين اناااا اليوووووم عندي موضووع هووو عبااره عن خمسه اسئله جريئه مررررررررره مررره

    اقرأ الموضوع
  • اسئله غبيه

    383 [color=808080]••.•´¯`•.•• (أسئلة غبية) ••.•´¯`•.• • [/color]أسئلة ما لهاش أي لزمة في الدنيا بنتعرّض ليها كل يوم من كل الناس خلونا نشوف أمثلة إنت في

    اقرأ الموضوع
  • اسئله لجميع الأعضاء

    161 أســئلهـ مـحرجــهـ لـلآعــضـــاء -------------------------------------------------------------------------------- آلــسـلآمــ عـلـيـــكـمــ .. في كم سؤال اتمنى من الجميع الرد عليهم بكل

    اقرأ الموضوع