لعب شرطي وحراميه


صحيح الجرأه تنقصني وصحيح ضعيف شخصيه
ولاكن لو تشوف الشوق في عيني بتعذرني
انا جيتك وكل هموم خلق الله ترى فيه
وادري فيك لو تبغي انت تفهمني بتفهمني

تعبت كثير ألمحلك واقول بيفهم شويه
وادري فيك فاهمني بس ودك تعذبني
وانا راضي بتعذيبك وبتحمل بلاويه
ولاكن لاتزودها معاي ولاتبهذلني

احسك تلعب بقلبي لعب شرطي وحراميه
انا استسلمت مابلعب كفايه لا تلاعبني
اقولك هالسماء زرقه تقولي لا سماويه
اقول انزين سماويه تقولي لا تغلطني

تقول الورده ذي اي لون اقولك هاذي ورديه
ترد تقول لا حمره عسى لله بس يصبرني
اذا ناوي تعقدني وتلعب يالغلا فيه
تراني معقد وخالص ومو ناقص تعقدني


تحياتي لاحلى ناس في المنتدى
اخوكم نجم الامارات

مواضيع ذات صلة